Guddoomiye ku xigeenka xisbiga AK Party, Zafer Sirakaya, ayaa magaalada Ankara kula kulmay Abdurahman Mohamed Hussein, xoghayaha guud ee xisbiga talada haya ee Midowga Nabadda iyo Horumarka (UPD) ee Soomaaliya si uu u saxiixo heshiis is-afgarad ah oo ku aaddan iskaashiga laba geesoodka ah ee labada dhinac ee Ankara iyo Muqdisho.
Mas’uuliyiin ka tirsan dowladda Turkiga ayaa u sheegay warbaahinta Middle East Eye in heshiiskaan mid la mid ah uu Turkigu jimcaha magaalada Addis Ababa kula saxiixa doono xisbiga talada haya ee Prosperity Party (PP) ee dalka Itoobiya
Sida laga soo xigtay mas’uuliyiintu, heshiiska ayaa sahlaya cilmi-baaris wadajir ah, tababaro, wadatashi iyo xog wadaag ah oo dhexmara Turkey iyo xulufadiisa gobolka.
Xisbiga AKP oo dalka Turkiga soo xukumayay muddo labaatan sano ah ayaa rajaynaya in uu khibradiisa maamul u gudbiyo xulafadiisa labada dal, kobcinta iskaashiga bulshada rayidka ah iyo horumarinta ganacsiga labada dhinac.