Jabhadda M23 ayaa ku dhawaaqday in magaalada Goma ee muhiimka ah ay hoos tagto, taas oo muujinaysa jab weyn oo soo gaaray ciidamada Congo
Dagaalada ka socda bariga Jamhuuriyadda Dimuqraadiga Congo (DRC) ee magaalada Goma, ayaa sii xoogeystay, iyadoo ay weli militariga ka hortagayaan ciidamada M23.
Shalay oo Isniin ahayd, jabhado ay Qaramada Midoobay sheegtay inay taageerto Rwanda, ayaa gudaha u galay magaalada Goma, waxayna ku dhawaaqeen magaalada muhiimka ah ee ay gacanta ku hayaan, taasoo muujinaysa jab weyn oo soo gaaray ciidamada Kongo, isla markaana uu sii kordhayo colaadda muddada sannado ah socotay oo ay ku dhinteen boqolaal barokacay malaayiin bariga DRC.
Wasiirka horumarinta reer miyiga ee DRC Muhindo Nzangi ayaa sheegay in ciidamada Congo ay maamulaan 80 boqolkiiba magaalada Goma, iyadoo ciidamada Rwanda ay joogaan duleedka magaalada ama ay dib uga soo gudbeen xadka.
Ugu yaraan 17 qof ayaa lagu dilay magaalada Goma Isniintii, wakaaladda wararka ee AFP oo soo xiganaysa ilo isbitaal ayaa sheegtay in dhakhaatiirta magaalada ay daweynayaan 367 qof oo ku dhaawacmay iska horimaadyada.
Xubnaha bulshada rayidka ah iyo NGO-yada ka shaqeeya magaalada Goma ayaa sheegay in dhimashadu ay marayso 25 qof, iyadoo 375 qof ay ku dhaawacmeen.